/ / / كيقية أختيار العرض المناسب لرحلتك ؟؟

كيقية أختيار العرض المناسب لرحلتك ؟؟


كتير منا بيحب السفر لكن مبيعرفش يختار العرض المناسب لرحلتة وبيتكلف فلوس كتير حنعرض لكم بعض النقاط الي حتساعد في قضاء رحلة ممتعة بأقل تكلفة
- أختيار المكان 


أغلب الناس بتسافر شرم الشيخ أو الغردقة فقط بالرغم ان موجود أكتر من مكان لقضاء عطلة ممتعة يعني ممكن نغير شوية ونجرب دهب أو طابا أو مرسي علم  وغيرها .........حتلاقي هناك أماكن للخروج والفسح وقضاء أجازة ممتعة
- أختيار شركة السياحة 


بعض الناس بتتوجه لشركات السياحة عن طريق أعلانات الفيس أو انستجرام  واول لما تشوف عرض ب 500 جنية بالنسبة لها تبقي الشركة ممتازة طبعا ده غلط الاول عليك أختيار الفندق المناسب ومن خلال البحث عن أسم الفندق حتلاقي الشركات العارضة للفندق بأسعار مختلفة
- أختيار وسيلة الأنتقالات 


الاهم من السفر وسيلة السفر يعني لو أختارت وسيلة متعبة مش حتقدر تستمتع بالرحلة قبل القيام بالسفر عليك معرفة الوسيلة الخاصة بالانتقال اذا كانت عن طريق شركة السياحة طبعا بتوصلك لحد بابا الفندق يعني مش حتدور علي وسيلة موصلات من الموقف للفندق  عليك معرفة موديل الاتوبيس واذا كنت حتسافر عن طريق شركات النقل عليك أختيار الديلوكس وليس الأقتصادي
- أختيار الفندق المناسب 


طبعا انت بتختار الفندق حسب الميزانية المحددة ليك بس عليك انك تعرف الفندق كم المسافة الي بينه وبين الشاطئ وتعرف الخدمات المتاحة بالفندق علشان لو معاك أطفال حتختار فنادق فيها أكوا بارك ومنطقة العاب أطفال ووسائل ترفية للاطفال
- أختيار الغرفة المناسبة 


لو انت مسافر مع أسرتك ومعاك أطفال طبعا تحاول تختار غرف قريبة من حمام السباحة ومعرفة سياسة الأطفال قبل الحجز فنادق 3 نجوم دايما الاطفال بتبقي مجانا لحد 6 سنوات فقط أما فنادق 4 نجوم و5 نجوم بيبقي ليك طفل حتي 12 سنة مجانا يعني لو عرض 3 نجوم ب 900 جنية للفرد ومعاك طفل  فوق 6 سنوات يبقي حتدفع 2250 جنية للفردين والطفل أما لو فندق 4 نجوم ب 1100 جنية يبقي حتدفع 2200 جنية يبقي أنت حجزت 4 نجوم باقل من 3 نجوم 


تابعونا علشان تعرفو أكتر عن فنادق مصر ...............

كيقية أختيار العرض المناسب لرحلتك ؟؟
4/ 5
Oleh