اسوان من أجمل الاماكن اللي ممكن تزورها في حياتك ومناسبه لقضاء شهر العسل ناس كتير بقت بتفضل أنها تقضي شهر العسل في مصر لأن بلدنا فيها أماكن كتير جميلة واحنا نفسنا كمصريين ممكن نكون مكتشفنهاش ، دة غير أنها بتوفر عليك فلوس كتير ممكن تصرفها برا. عشان كدة مكان ممكن تقضي أحلى شهر عسل من غير ما تخرج برا البلد.لو حابب تقضي شهر العسل في مكان جميل وهادي بعيد عن الدوشة والزحمة وسط ناس طيبين ، يبقى لازم تزور أسوان .طبعا اسعار الفنادق والاماكن السياحية مش ثابته يعنى فى اوقات ممكن تكون اقل من كدا بكتير وايام اغلى من كدا .
قضي أجمل شهر عسل في مدينة اسوان الساحرة
أسوان من أكتر البلاد اللي ممكن تتبسط فيها بجنوب مصر ودة لأنها بتجمع ما بين الجمال والبساطة في نفس الوقت. دة غير ان جوها دافئ و ناسها طيبين وجدعان.
أنسب وقت لزيارة اسوان فى الفترة ما بين شهر 10 لـــ شهر 2 بيكون الجو هناك رائع ودافى جدا فى الشتا
ممكن تقضي يوم في مركب على النيل، أو تقعد في مكان حلو وتستمتع بأجمل الأطعمة.
– لازم تقضي يوم في القرية النوبية وتشوف الألوان المبهجة لبيوت أهل النوبة وتصاميمها الجميلة اللي هتخليك تحس انك مش عايز تمشي من هناك.
-زيارة معالم أسوان زي معبد فيله، وباب الكلابشة، والصوت والضوء، ومتحف النوبة، وأنماليا، وجزيرة سهيل، ومتحف النيل، والسد العالي ، زيارة معبد أبو سمبل، وكوم امبو، والجزر النيلية، وجزيرة النباتات، ورمز الصداقة، وحديقة الأميرة فريال.
أما لو اتكلمنا عن أشهر الفنادق في أسوان حيبقي موفينبيك ريزورت أسوان، وفندق بسمة، سوفيتيل أولد كتركت أسوان، نوبيان بيتش، وفندق النيل، وهلنان، أوركيدا سان جورج، و فندق سارة أسوان.
طبعا اشهرها كتاركت وده سعر الليله فيه بتوصل 5 الاف في الموسم واقل سعر ممكن يوصل لكتاركت 2500 لليله اقامه فقط وبعدها فندق ايزيس وموفمينبك وهلنان او (فندق الجيش ) وبعدها فندق سيتي ماكس وبعد كده طبعا الفنادق ال في وسط البلد ودي طبعا مش هتحس بجمال اسوان لان كل مواقعها مدفونه وسط سوق وجنب محطه ومش مناسبه اوي لشهر عسل .
أما لو قررت تروح النوبه حنقولك علي أشهر فنادق النوبة وهما كاتو دوول
واشري نارتي بس طبعا اسعارهم غاليه في المواسم السعر بيوصل لــ 1600 جنيه في الليله للغرف اللي علي النيل
يجي بعدها فندق ايكادولي واناكاتوو وحدوته مصريه وبعد كده في فندق تاني حاجه كده وهم اسمه اولد نوبيان وده علي جزيره لوحده كده منفصل عن ناس دي كلها واسعاره حلوه جدا مقارنه بالاسعار اللي فوق دي وفي بقي فيلا ميسك دي عبارهعن جيست هاوس حلوه بردو
وبعد كده بقي في البيوت النوبيه العاديه في جزيره هيسا ودي بتبقي بيوت عاديه بس مفروشه حلو جدا والوانها مبهجه جدا جدا لو اسره مع بعض ممكن تاخد بيت لوحدها لكن بردو مش مناسبة اوى للهانى موون
أستمتع بشهر عسل مميز في أسوان
4/
5
Oleh
futuregroupservices
