فيوتشر للرحلات: أماكن سياحية

الرئيسية / أماكن سياحية

‏إظهار الرسائل ذات التسميات أماكن سياحية. إظهار كافة الرسائل

تعرف على أكتر أماكن رومانسية في العين السخنة

لو بتقضي شهر العسل ومش عايز تسافر بعيد ؟ او زهقت من الروتين وعايز تخرج مراتك أو خطيبتك في مكان رومانسي بعيد عن زحمة و دوشة القاهرة ؟ عايز تحتفل بعيد الحب في مكان جديد و مميز ؟ طب عيد ميلاد حبيبتك قرب و نفسك تعملها مفاجأة حلوة وجديدة ؟ يبقى مفيش قدامك غير السخنة لأنها بتجمع ما بين الطبيعة والأناقة والجمال والهدوء في نفس الوقت ، ده غير إنك هتوصلها في ساعة ونص بس ! هناك هتقضي يومك مع حبيبتك في أشيك المطاعم في السخنة على البحر و في أجمل الفنادق هناك . و علشان متتعبش نفسك و تدور كتير ، إحنا قررنا نقدملك أحلى الأماكن في العين السخنة و أكترها رومانسية علشان تكسر الروتين و تقضوا يوم جميل مع بعض .

كليك بيتش كلوب “club Clique Beach ”

المكان ده يعتبر تحفة حقيقية في العين السخنة ومن أجمل الأماكن اللي ممكن تقضي فيها يوم مع حبيبتك على البحر وهيكون مناسب جداً ليكوا لو بتحبوا السهر ، هناك هتسمع أحلى مقاطع الموسيقى و الأغاني و هتأكل أحلى أكل.

العنوان: المكان ده موجود في الكيلو 46 طريق السويس الغردقة في شاطئ خاص بستيلا دي ماري و أسعاره وهمية لأنك هتدفع في اليوم 200 جنيه بس ! هتلاقي أحلى من كده أيه !

كلوب إم بيتش “Club M Beach”

لو أنت من محبي الأماكن الهادئة ، فده هيكون الإختيار الأمثل ليك لأنه بيوفرلك قائمة إستثنائية من أشهى الأطباق و المشروبات ، ده غير إنك هتستمتع بالموسيقى الهادئة و إطلالته الساحرة على البحر و الجو الجميل لأنه مكان مفتوح.

العنوان: كلوب إم بيتش موجود في كمباوند أزها و على بعد 150 كم من القاهرة.

جاز ليتل فينيس “Jaz Little Venice”

و ده من أرقى الفنادق في العين السخنة و أكثرها رومانسية و بيقدملك خدمات على مستوى عالمي ، هناك هتلاقي أماكن كتير تستمتع فيها بأحلى الأوقات مع مراتك/ خطيبتك أو حبيبتك لأن جواه مطعمين بيقدموا أشهى المأكولات ، و لو نفسك تسهر معاها بليل هتلاقي مكان تحفة إسمه " تيرازينا لوبي بار" .

العنوان: الكيلو 36 طريق العين السخنة السويس.

مطعم الجزيرة “El Gezira Restaurant”

لو إنت من محبي المأكولات البحرية و عايز تستمع بجو راقي ، يبقى المكان ده هيكون الإختيار الأمثل ليك ، ده غير إنه بيصنف على إنه من أجمل المطاعم في السخنة بشكل عام.

العنوان: هو موجود في فندق موفنبيك السخنة بشارع الزعفرانة.

تيدا سويس ان “Teda Swiss Inn Plaza”

و ده من أحلى الأماكن اللي ممكن تقضي فيها يومك مع حبيبتك لو أنتوا من محبي الأكل الصيني ، المكان تصميمه جميل وأجوائه وألوانه روعة وهيدخلك في مود جميل وهادي في نفس الوقت.

العنوان: المكان ده موجود في فندق تيدا سويس إن بلازا – شمال غرب خليج السويس القطاع الإقتصادي و يعتبر المطعم الرئيسي هناك.

لا دولشي فيتا “La Dolce Vita”

و ده من الأماكن المحترفة في الأكل الإيطالي ، و موجود في ستيلا دي ماري سي كلوب في طريق السويس – السخنة.

العنوان: شارع الجيش إستاد المنصورة ، قبل سوبر ماركت أولاد رجب و بجوار قاعة ريفيرا.

بونتي فيتشيو “Ponte Vecchio”

و ده بيصنف على إنه من أجمل الأماكن في السخنة و بيجذب الأجانب بشكل كبير لأنه بيجمع ما بين كل حاجة أنت نفسك فيها ، موسيقى إيطالية روعة ، و أكل تحفة ، و هدوء ، و أطلالة روعة على البحر ، و كمان أسعاره معقولة . مستني أيه تاني ؟

العنوان: المكان ده موجود في الكيلو 46 طريق العين السخنة.

أضف تعليق

نفسك تعمل فوتو سيشن مميز لفرحك؟

فرحك أو خطوبتك قرب و عايزين تعملوا سيشن Outdoor Session مميز ومختلف و محتارين تعملوه فين ومش قادرين تختارو مكان معين ؟ احنا هنسهل عليكم الموضوع ونحاول نقسم اماكن التصوير لاربع انواع
حدائق أو منتزهات
أماكن أثرية او تاريخية و صحراوية
أماكن نهرية أو بحريM
أماكن مجنونة مطرقعة وتصلح جدا ل Pre-Wedding أو الكاجوال سيشن

أولاً: الحدائق أو المنتزهات اللى ممكن تاخد فيها صور حلوة جدا مميزة :
1- حديقة الأسرة بالرحاب Family Park
مزاياها : من الأماكن اللى فيها اماكن حلوة ولتكون ممتازة فى التصوير - مكان هادى
عيوبها : اسعار دخول الكاميرات والفوتو سيشن عالية إلى حد ما وبتحدد بدخول 3 / 4 أشخاص + الكاميرا
أو دخول 4 أشخاص + الكاميرا + 15 دقيقة في البرج (سعر تذكرة دخول المصور و 3 أفراد 1500 جنية ) .

2- حديقة الازهر Al Azhar park
مزاياها : مساحتها كبيرة وواسعة - فيها مناظر حلوة جدا للقاهرة - سعر التذاكر مناسب اوى .
عيوبها : الحديقة زحمة فى ايام الاجازات - مفيهاش خصوصية - فيها رسوم لدخول الكاميرا ( تذكرة الدخول ب 20 جنية لأي فرد والتصوير ب300 جنيه العرسان )

3- جزيرة المعادي
مزاياها : مساحتها كويسه - المنظر هناك يجنن مع النيل والخضرة الصور بتطلع حلوة - سعر التذكره من ( 20 – 40 جم)
عيوبها : زحمة فى ايام الاجازات وكمان اسعارها مرتفعه نسبيا فى الاجازات
يوجد رسم دخول للكاميرا ( 500 رسوم دخول عريس وعروسه + الكاميرا )
4- حديقة الأندلس " مدخل الزمالك "
مزاياها :موجود فيها كذا قسم ( القسم الاندلسى - القسم الفرعونى - القسم الاسلامى ) - سعر التذكره تقريبا ( 5 جم ) - مش زحمة معظم الوقت
لكن فيه رسوم بردو لدخول الكاميرا ( سعر التصوير 400 جنيه وثمن تذكرة الدخول لأي فرد 5 جنية زى ما قولنا ) .

5- حديقة الأسماك "جبلاية الأسماك"
مزاياها : المنظر فيها مختلف وخصوصا عند الجبلاية - سعر التذكرة 5 جنيه - مفيش زحمة إلا الأيام اللى بيكون فيها الحفلات او المعارض
عيوبها : مواعيدها من ( 9.30 صباحاً لـ 5 مساءاً ) بس - لازم يبقى فيه متابعة لايام الحفلات - ممكن الجبلاية تتقفل فى أي وقت
فيه رسوم لدخول للكاميرا (تذكرة تصوير عريس وعروسة 250 جنية )
6- حديقة العروبة "صلاح سالم"
مزاياها : محدش يعرف عنها حاجة تقريبا - لسة نضيفة - مفيش رسوم دخول للكاميرا
العيوب: احياناّ بيكون فيه حفلات او معارض ممكن تعمل زحمة
7- سفاري بارك Safari Park "الهرم"
مزاياها : فيها كتير مساحات واسعة - مناظر مختلفة ما بين خضرا وحيوانات وبحيرات - سعر التذكرة من (10- 15 جم) - مفيش رسم دخول للكاميرا
العيوب: الزحمه خلال الإجازات
ثانياً : الأماكن الأثرية والمعمارية والصحراوية اللى ممكن يتصور فيها صور مميزة:-
1- شارع المعز
مزاياها : من الأماكن الممتازة فى التصوير - مساجد وبيوت بتبقى حلوة فى التصوير - رسوم دخول بسيطة - مفيش تصريح للتصوير ولا رسم دخول الكاميرا
عيوبه : زحمة طول الوقت - مفيش اى خصوصية - اضاءة الشارع ضعيفة جدا
2- الأهرامات
المزايا:فيه مساحة واسعة - مش زحمة معظم الوقت - سعر تذكرة الدخول 5 جنية تقريباً
العيوب : مواعيد العمل من ( 10صباحاً - 6مساءاً ) بس - التعامل الامنى صعب شويتين - البايعين وكمان بتوع الحصانه والجمال بينطوا فى الصور وفيه تطاول في طلب البقشيش
فيه رسم دخول للكاميرا

3- القلعة
مزاياها : المنظر منها تحفة وانت شايف القاهرة ادامك - تراث وتفاصيل بتظهر بشكل حلو اوى فى الصور - مش زحمة وسط الأسبوع - سعر تذكرة الدخول: 5 جنيهات للمصريين نهارا، و60 جنيه ليلا
العيوب: مواعيد العمل من (9-5) فقط - زحمة لو فى رحلات او اجازات
فيه رسوم دخول للكاميرا
4- قصر البارون
المزايا : خلفية تصوير مختلفة ومميزة - خصوصية ومش بيكون زحمه
العيوب: يحتاج تصريح أمني تكلفته من (500 -900 جم) - ممنوع التصوير داخل القصر- مفيش مصدر اضاءة غير أضواء القصر
( بيكون لو هتصور الصبح بـ 1200 وبليل بـ 1600 )
5- قصر محمد علي " في المنيل "
مزايا : خلفية تصوير مختلفة ومميزة – ركنات كثيرة للتصوير
العيوب: حجز مسبق - فيه رسوم دخول للكاميرا ( التذكرة 50 جنية للتصوير العادي اما لو عريس وعروسة بـ 1000 جنية )
6- بانوراما حرب اكتوبر
المزايا : مكان مختلف ومميز - الصور فيه بتطلع حلوة جدا سواء بالنهار أو بليل - فيه مناظر فريدة وكويسه جدا للتصوير
العيوب : حجز مسبق - رسوم دخول الكاميرا والمصور ( بيكون ب 1400ج شامل رسوم التصوير بالنادي للعريس والعروسة وسيشن ساعة )

7- الاماكن الصحراوية الى ممكن نصور فيها صور مميزة:-
أولا: ليه نتصور فى صحرا؟
1- لان الصور فعلا بيكون شكلها مختلف عن الصور الطبيعية للسيشن
2- بتوفر مساحة واسعة جدا
3- تنفيذ أكتر من فكرة فيها.
ثانياً: الاماكن الصحراوية حوالي 65% من مساحة مصر معظمها خارج حدود القاهرة.
ثالثاً: من أهم الأماكن داخل القاهرة والمختلفة فى التصوير
1- محمية وادى دجلة
مزاياها: منطقة هادية ومميزه جدا - مش زحمة - مساحة واسعة جدا _ خلفيات رائعه متنوعه بين الجبال والأشجار
عيوبها : الحجز المسبق - يوجد رسم دخول للكاميرا
2- منطقة سقارة
مزاياها : منطقة هادية ومميزه جدا - مش زحمة - مفيش تصاريح للتصوير- مساحة واسعة جدا
عيوبها: بعيد عن القاهرة
ثالثا: الاماكن النهرية أو البحرية اللى ممكن تتنصور فيها صور مميزة:-
ممكن تعمل سيشن تصوير فى مركب شراعى على النيل (رومانسية بقى)
الكورنيش بقى ( الزمالك او المعادى ) بس الصبح بدرى عشان الزحمة
جزيرة فى النيل ..زي " جزيرة الدهب – جزيرة الوراق – فناره المعادي – منطقة كافيهات ميزاج المعادي "
رابعاً: أماكن مجنونة مطرقعة تنفع لفوتوسيشن فيه صور مميزة وتصلح جدا ل Pre-Wedding او الكاجوال سيشن:-

مدخل مدينتي : تحفه واماكن نضيفه جدا وطبعا ببلاش
الاوبرا : فى اماكن تحفة فى الاوبرا ومعظم الناس مش عرفنها بس احيانا بيبقى فى غلاسة شوية
بورتو كايرو porto cairo : فكرة مختلفة شوية فى تصوير سيشن بعيدة عن الزحمة
الفيوم : وادي الريان وبحيرة قارون
افريكانو بارك : فيها اماكن جميله جدااااا وسط الحيوانات والمناظر الرائعه
اسكندريه : القلعه و شواطئ اسكندريه وخصوصا منطقه الصخور وأبو قير والمنتزه
بورتو السخنه : الجمع بين الجبال والمياه والتلفريك وتعتبر قريبه من القاهره
ملابس صعيدى او فلاحي او اسكندراني مع عمل الجو الملائم لها
Arteka Space - Coworking Space حلو جدا لصور الـ سيشن وبيعملوا حفلات واعياد ميلاد وفيه اماكن للبنات بس المكان ده في بلكونات وقاعدات على الارض والوان جواه حوالي 6 أوض كل أوضة فيها بلكونه وكله شغل يدوي فنى من الخيش و الكاوتش و الحبال و فوانيس الاضائه الهادية وكمان قاعدة عربي ..العنوان: 26 شارع شبين متفرع من ميدان صلاح الدين , مصر الجديدة ، الساعه ب 5 جنيه - لا يوجد رسوم للكاميرا
حديقة فجنون " على طريق سقارة " تذكرة 500 جنيه للسيشن .

أضف تعليق

معلومات تهمك قبل السفر لواحة سيوه

أماكن سياحية موضوعات نصائح السفر

عاوز تسافر رحلة لواحة سيوة ومش عارف تبتدى التجربة دى منين؟ المقال دة هيكون بمثابة دليل ليك هنعرفك ازاى تروح سيوة؟ وممكن تعمل ايه هناك؟ واهم المزارات اللى ممكن تشوفها ومواسم الزيارة السياحية والعلاجيه

النهاردة هنتكلم عن سيوة وعن الحياه هناك و الفنادق و السفاري والتخييم والاماكن اللي هتزورها كمان
الواحة البعيدة دى، لازم تسحرك بجمالها ،هى أكتر مكان في العالم هتحس فيه بالسلام النفسي، الناس كلها هناك بتحب بعض، لو نسيت اللابتوب بتاعك في الشارع هاترجع تلاقيه مكانه !

كمان فيها بحر الرمال الأعظم اللى بيغطى ما يزيد عن 72.000 كيلو متر مربع وهو يشكل الحد الشمالي للصحراء، ويعد بحر الرمال الأعظم ثالث أكبر حقل من الكثبان الرملية في العالم. وتعد سيوة البوابة الشمالية وأفضل نقطة انطلاق لرحلة سفاري إلى أحد
اولا : كيفية السفر الي واحة سيوة ؟
ممكن تسافر لسيوة عن طريق غرب ووسط الدلتا من اليكس (الموقف الجديد) او القاهرة (عبدالمنعم رياض - الماظه) واسأل عن المواعيد وممكن مع أفواج طالعين من شركة سياحة

ثانيا : اماكن الاقامة فى واحة سيوة واشهر فنادق سيوة
سيوة متنوعة جدا في الأماكن اللي ممكن تقعد فيها، يعني لو على المستوى المادي، هتلاقي حاجات من أول 80 جنيه لحد 10 آلاف جنيه في الليلة (مش مبالغة.. فيه فندق الليلة فيه ب 600 دولار).
لكن الأهم تشوف أنت عايز تسكن في مكان عامل إزاي، في هناك فنادق بيئية، مبنية من مزيج الملح والطين، فيه كامبات، فيه فنادق عادية، فيه بيوت سيوية. كل حاجة فيهم ليها مميزاتها، وأنت وذوقك والمكان اللي بترتاح فيه، عشان كده هتحتاج تسأل نفسك:
- المكان يكون بيت سيوي ولا فندق ولا شقة فندقية ولا كامب؟
- لو فندق يبقي بيئي ولا عادي مسلح وخرسانة ؟
- لو كامب يبقي خيمة ولا غرف مجهزة؟
- بكهرباء ولا من غير؟
- تحب المكان بعيد عن السوق ولا قريب

فنادق عادية
باراديس - جاردين - الباب ان شال - كنوز- دريم لوج
طب عشان احنا المصريين بنحب ناكل واهم حاجة الاكل فلازم تجرب الاكل السيوي
في أنواع أكل سيوي لازم تجربها، على راسهم طبعًا الفراخ واللحمة اللي معمولين بطريقة "أبو مردم"، دي طريقة تسوية للأكل، اللحمة أو الفراخ بتتبل كويس لكذا ساعة، بعدين بتتحط في باستيله حديد بتدفن في حفرة فيها نار، عشان كده اسمها أبو مردم، عشان
بيتردم عليها، وتتساب تستوي ساعات كتير برضه، بس النتيجة هتبقى من أجمل الحاجات اللي هتاكلها.
ثالثا : أهم معالم ومزارات سيوة السياحية
سيوة أكتر حاجة مميزة فيها هي الطبيعة البكر، من أقل الأماكن اللي الإنسان حط فيها التاتش بتاعه، فيها مزارات كتير تتراح، لكن الأجمل هو الاستجمام في الأماكن الطبيعية والعيون الكبريتية وأجمل منظر للنجوم ممكن تشوفه في حياتك.
أهم المزارات في سيوة:
- منطقة الحفريات في بحر الرمال الأعظم، دي فيها حفريات من من ملايين السنين أيام ما كانت المنطقة دي جزء من المحيط، هتشوف بقايا عظام حوت ضخم، وقواقع ونجوم بحر متحجرة.
- قلعة شالي (سيوة القديمة)، دي المدينة اللي كان عايش فيها أهل سيوة زمان، وكان ليها سور من بره وبوابة، لكن السيول هدتها، ونزل أهل سيوة للعيش تحت، لكن بقايا المدينة لسه باقية بطرازها البيئي الفريد.
- جبل الدكرور، واحد من أكبر جبال سيوة، تقدر تشوف من فوقيه سيوة والمناطق المحيطة بها، وهو نفس الجبل اللي بيتعمل فيه عيد السياحة، العيد اللي بقاله أكتر من قرن ونص، وبيبقى في الليالي القمرية اللي بتصادف في شهر أكتوبر من كل سنة
- ممكن تطلع الصحراء: الصحراء بيتعمل فيها حاجات كتير، ممكن تعمل سفاري هناك وساند بوردنج، ممكن تشوي أنت وصحابك وتاكلوا، بعدين تقضوا ليلة في الصحراء في حضن النجوم، وممكن تلاقي حفلة سيوي ترقص على المزيكا السيوي للصبح.
- سوق شالي: تقدر تشتري من هناك المشغولات اليدوية والتمور والزيتون وأنواع مربات مش موجودة غير في سيوة، زي مربى كركديه وبلح وزيتون.
- بلاد الروم: دي مجموعة مقابر صخرية بيرجع تاريخها للعصر الروماني، كان بيبقى قدام كل مقبرة عمودين أو تلاته، والمومياء بتتحط على سرير جوه قبر بيطل من الصخر، لكن اللي باقي منها حاليًا هي الفتحات في الصخر وقواعد العواميد
وايضا البحيرات المالحة، ألوانها سماوية ونسبة الملح فيها عالية جدًا، لدرجة إنك مستحيل تقدر تغطس فيها هتلاقي المياه بترفعك
لازم تنزل عيون سيوة الكبريتية، في منها الساقع والسخن، غير فايدتها للجسم، فهي تجربة استرخاء واستجمام لازم تجربها. منهم:
- فطناس في جزيرة فطناس
وعين الشمس (كليوبترا الماظه _كامب الجبل _ بير واحد _ بحيرة الملح _ بحيرة المياه الباردة في السفاري بحر الرمال )
المواصلات اللي ممكن تستخدمها تركب عجل او موتوسيكل او كارته

رابعا مستلزمات لازم تكون معاك وأنت مسافر سيوة
1 - أهم أهم أهم حاجة، لازم يكون معاك حاجة للناموس، دي الحاجة الوحيدة اللي لو نسيتها هتعيش رحلتك متكدر وهتبقى لقمة سهلة ليهم، عندك حاجتين ممكن تجيبهم، سبراي OFF من أي صيدلية، مش هقدر أقولك سعره لإنه بيزيد كل يوم، في اختيار تاني أفضل
وأرخص، ممكن تجيب "Lemongrass" من فروع نفرتاري، فيه فرع في سيتي ستارز وفرع في الدقي
2 - صورتين من البطاقة وش وظهر (واحدة لمكان الإقامة - الثانية لتصريح المخابرات لدخول الصحراء/السفاري)
3 - جاكيت تقيل، شراب تقيل، كوفيه/شال ثقيل، الجو بالليل بيبقى سقعة، وهات لبس خفيف للنهار لإنه أغلب الوقت دافي.
4 - لو مسافر ومعاك مشروبات كحولية لازم تبقى مقفولة ومعاك الفاتورة بتاعتها
5 - خد معاك كروكس/جزمة بحر عشان تقدر تنزل بيه البحيرات المالحة
6 - خد معاك مايوه طبعًا عشان تنزل العيون الكبريتية
7 - كاميرا، المناظر اللي هناك هتجننك وهتبقى عايز تصورها أكيد، ولو بتحب تصوير النجوم يبقى أنت لقيت الجنة بتاعتك، هات معاك ترايبود
معلومات عامة عن واحة سيوة
- الصحراء مافيهاش شبكة، لكن المدينة كلها هتلاقي فيها شبكة عادي، ممكن تشتغل هناك بس نصيحة بلاش، اتبسط بالطبيعة الفرص اللي زي دي ما بتتعوضش
- في هناك محلات تشتري منها أي حاجة بقالة تحتاجها، في سجاير، وفيه مصانع ميه، فأنت مش محتاج ميه
- اللبس اللي هناك محدود جدًا، وماعتقدش إنك هتلاقي مايوه مثلا، فياريت تتمم على حاجتك قبل ما تسافر

خامسا : مواسم الزيارة لواحة سيوة
سيوة فيها موسمين :
موسم الرحلات العلاجية وده من نص شهر ٦ لحد نص شهر ٩

موسم الرحلات السياحية وده في الشتا بيكون الجو هناك رائع
سادسا: أشهر منتجات سيوة وايه اللي تقدر تشتريه من هنا ؟
لازم تجيبوا بلح، زيتون، زيت زيتون، منتجات الملح، منتجات يدوية بالتطريز السيوي الجميل، سلطة الزيتون، عسل البلح، لويزا، كركديه، ملوخية ناشفة، مربي الزيتون، مربي البلح، مربي الكركديه
فى كمان فى سيوة جزيرة اسمها جزيرة طغاغين Taghaghien Island
هتستغرب من جمالها وروعة المناظر الطبيعية فيها ان المكان دة فى مصر اصلا
احنا جبنالكم صور للمكان عشان تاخدوا القرار انكم تروحوا سيوة بسرعه ومن غير تردد عشان فعلا سيوة جنة الله على ارض مصر
ومش بس كدة دى أنقى هواء و تقريبا المكان الأول للسياحة العلاجية فى العالم
دة غير ان سحر الرملة والجبال وفعلا الهواء النقى ميتوصفش .

أضف تعليق

أبو الهول ليس حارسا للقبور الفرعونية وإنما يعبر عن حالة التمرد الإشراكية بالله في ذلك العصر

أماكن سياحية موضوعات

أبو الهول (Sphinx)، هو أثر مصرى على هيئة تمثال بجسم أسد ورأس بشري. ويعتقد أنه يحرس المقابر والمعابد. وقد حاكى الفينيقيون والاغريق إقامة تماثيل تشبه أبو الهول، إلا أنها مجنحة ورؤوسها كرأس امرأة. ويعد تمثال أبو الهول بالجيزة أشهرها، وقد نحت من الحجارة ورأسه تمثل الملك خفرع الذي عاش بالقرن 26 ق. م. وطوله 24 قدما وارتفاعه 66 قدما. ويوجد عدة تماثيل مصرية شكل أبو الهول تمثل الملوك واله الشمس، وغالبا مايكون وجه التمثال ملتحيا، فقد وضعت عدة تماثيل على جانبي الطرق المؤدية للمعابد الفرعونية بطيبة، الا أن رؤوسها كرؤوس كباش.

وتمثال أبو الهول من الألغاز القديمة لكن يعتقد بشكل كبير أنه للإله حور فقد ذكر أكثر من مرة على أنه الإله (حور إم أختى) حور في الأفق وهو صورة من الإله أتوم أكبر الأله المصريه وهو الشمس وقت الغروب، وقد زاره أكثر من ملك ونقش ذلك بمناسبه الزيارة منهم (رع-مس-سس) الثانى أو رمسيس الثانى، والملك توت عنخ آمون الذى أقام استراحه بجوار أبى الهول، إلا أن رعمسيس الثانى طمس نقوشه ووضع اسمه بدلا منها. ومن العصر الرومانى زاره الإمبراطور سبتموس سيفروس.

وقد استوطن منطقه أبى الهول قوم من الجنس السامى (الكنعانيون)، ووحدوه مع إلهم حورون أو حورونا وذلك في تماثيل على شكل بوالهول ولها لحى لذلك فمن المعتقد أن أبو الهول ماهو إلا تمثال للإله حور في شكل الملك خفرع.
ومن المعروف أن تمثال أبو الهول كان محجراً قبل أن يفكر الملك خفرع في نحته على شكل تمثال، وينظر هذا التمثال ناحية الشرق لذا قد تم تغيير الجهات الأصلية في القرن الماضى لتوافق نظر أبو الهول، وكان أبو الهول قديماً يسمى عند الفراعنه بـ(بوحول) وكان الفراعنه يطلقون على الحفرة التى بها أبو الهول (برحول) أى بيت حول، وعندما جاء الفرنسيون إلى مصر كانوا يقولون عنه أن أسمه (بوهول) لأنهم لاينطقون حرف الحاء ثم حرف أخيراً إلى (أبى الهول). وكان قبل الحملة الفرنسية مغطى بأكمله في الرمال بجوار الأهرامات الثلاث ثم تم الكشف عنه أثناء الحملة الفرنسية وذلك عندما قامت عاصفه وكشفت عن جزء صغير منه، وعندما تم التنقيب وإزاله الرمال وجدوا تمثال ضخم وهو أبو الهول

الفرق النوبيه احيت المؤروث الشعبي

أماكن سياحية موضوعات

زمان كان للفنون الشعبيه مذاق مختلف وكان لكل نوع طعما مختلف وفجأة أختفت تلك الفرق وظهر اليوم فرق تحمل أفكارا مختلفه , قد تكون تلك الفرق أعتمدت علي التطور والتجدد.

يمكن أن تكون قدمت بشكل أكبر وأوسع لكنها تفتقد لما اعتدنا عليه الا أن أستطاعت الفرق النوبيه الحفاظ علي حياة الفنون الشعبيه وتحقيق نجاح كبير خلال سنوات قليله حيث أستطاعت تلك الفرق جذب أكبر عدد من السياح الي مصر من خلال حفلاتهم البسيطه التي تشعر الأجانب بالتعايش في الحياه النوبيه والتعرف علي العادات النوبيه القديمه .

حيث بدأت ظهور تلك الفرق عام 1975 بالأعتماد علي الالات الموسيقيه البسيطه التي تصاحبهم في رقصاتهم , كما تعتمد تلك الفرق علي عدد من الهواه يشاركون الحفلات وهناك أنواع عديده من الرقصات النوبيه من بينها :

الرقصه الافتتاحيه وهي مجموعه من المناظر تقدمها الفرق ليقد بها أعضاء الفرقه أنفسهم , أما رقصة التحطيب فيجتمع الشباب في الجنوب عند غروب الشمس ويقفون في دوائر ممسكين بالعصي في أيديهم ويقومون بالرقص علي أنغام المزمار والربابه ولا يشارك الفتيات الرقص مع الشباب لان التقاليد تمنع ذلك .

وهناك رقصه أخري تسمي الارجيد وكلمة أرجيد كلمه نوبيه تعني الرقص وتتشكل بها هرموني صوتي من الشباب والشابات علي نغم الدوف وهذه الرقصه تتم في حفلات الزفاف في النوبه . اما التاتا فهي رقصه مأخوذه من كلمه نوبيه تعني تقدم وهي أغنيه معروفه يتغني بها الصغار مصحوبه برقصه فكاهيه , هذا بالاضافه الي رقصة الكاريج وتعني في النوبه الطبق المصنوع من زعف النخيل المصنوع بايدي النوبين مثل الاطباق التي تزين منازلهم والفتيات النوبيات الصغار يتراقصون بها اسفل أشجار النخيل .

وبالنسبه للتعبير عن مظاهر الاحتفال بالزواج في المجتمع النوبي تظهر في رقصه الزفاف و تصور ليلة الحنه وهي الليلة التي تسبق ليلة الزفاف وهذه الليله يتم فيها تزين العروس والعريس بالحناء وفي اليوم التالي يكون حفل الزفاف حيث يرقص كل من العريس والعروس وسط جموع من الناس .

وأخيرا وليس أخرا رقصة البشاره وتتم في حفلات الزفاف للبشاره في قبائل تسكن الصحراء الشرقيه التي تقع في مدينة أسوان ومنطقة البحر الاحمر .

تاثير الهارب والدف علي فلوكلور بلاد الذهب

أماكن سياحية موضوعات

تؤثر البيئه بطابع خاص علي أنواع الموسيقي حيث ان المكان هو الذي يشكل الذوق الموسيقي , حيث تكون الموسيقي جزء من تراث المكان لذلك نستخدم تعبير الجغرافيا الموسيقية كأساس لتصنيف الموسيقي فالموسيقي هي التي تميز تراث المكان فأذا تحدثنا عن الموسيقي لاننسي موسيقة بلاد الذهب (النوبة المصريه ) وعمق الجنوب وحفيف النخيل وليس غريبا أن يطلق أهلها عليها بلاد الذهب فهي في الماضي كانت مصدرا للعديد من الثروات والخيرات في جنوب مصر حيث تدفق النيل ونمو أشجار النخيل وينمو الذوق في سمرة الارض والوجوه ,

حيث أن نشا الموسيقي عند الشعب النوبي منذ أكثر من 4000 عام حيث كانت مملكة النوبة والتي كانت بها الحكام الفراعنة الجنوب وحيث نمت وتقدمت وكانو منهم فراعنة حكمو مصر وهناك بدأت الموسيقي القبلية التي كانت تميز موسيقي الفراعنة في الجنوب وتتطورت أستخدامت الالات الحديثة مثل الهارب الي جانب الالات الشعبية وأستمر التطور حتي عصر البيزنطي حيث ظهور الأنشاط القبطي الي النوبة ودعمة الالات الأيقاعية مثل الدف والصنج النحاسية وكان لعصر الأنشاد تأثير علي الغناء والموسيقي النوبية

تعتبر الموسيقي النوبية موسيقي فلوكورية بشكل كبير لان النوبة أخر أجزاء مصر التي دخلها الاسلام لذلك تأثرت الموسيقي النوبية بالموسيقي العربية تاثيرا طفيفا جدا وهذا جعلها أقرب الموسيقي الأفريقية

كما أن صنف الموسيقي النوبية بسبب مجهودات العديد من اللحنين حيث أصبحت مسموعة في كل البر المصري منهم أحمد منيب الذي كان له الفضل في أن تصبح الموسيقي النوبية بالصوت العربي