لو نفسك تسافر و بتزهق من العين السخنة يبقى أنت أكيد مش بتقضي صح، السخنة من أكتر الوجهات اللي ممكن تمارس فيها أي نشاط أنت بتحبه ، وعلشان كده هي الوجهة الوحيدة اللي ممكن تروحها و تستمتع فيها بأجازتك صيف وشتاء. ولأن العين السخنة ممكن توصلها في خطوتين، قررنا نقولك على أكتر أنشطة ممكن تعجبك هناك علشان وقت ما تحس إنك زهقان من الروتين تقدر تسافر هناك وأنت مرتب أمورك وعارف هتعمل أيه هناك، و بكده هترجع مبسوط من أجازتك وكلك نشاط وحيوية.
السفاري
لو فاكر أن العين السخنة مميزة ببحرها بس تبقى غلطان ! لازم تعمل مغامرة في الصحراء وتجرب تقضي ليلة كاملة هناك و تعيش الحياة البدائية مع البدو و تبعد عن الإنترنت و التكنولوجيا وعن الناس كلها لأن تجربة التخييم من أجمل التجارب اللي ممكن تعيشها وتجربها في حياتك. ده غير إنك هترجع عندك سلام داخلي وحيوية محستش بيهم قبل كده ! البدو هناك كرماء جداً ، هيأكلوك أحلى أكل، ويقعدوك مع ناس جميلة، ويقعدوا طول الليل يطبلوا ويغنوا الأغاني البدوية بتاعتهم، فهتحس أنك واحد منهم. لو لسة مجربتش السفاري، يبقى فايتك كتير!
الهايكنج
أوعى تفتكر إنك علشان رحت السخنة في الشتاء يبقى مش هتتبسط! ديماً هتلاقي أنشطة جميلة ومختلفة تعملها. الهايكينج من أجمل الأنشطة اللي ممكن تعملها في السخنة لأنك ببساطة هتستمتع بجمال الخضرة والطبيعة وتشوف منظر المدينة الجميلة دي من أعلى نقطة، وهتفصل تماماً عن العالم.
كل اللي هتعمله إنك تلبس هدوم خفيفة و تحضر كريم واقي من الشمس وجزمة رياضية، وطبعاً الكاميرا بتاعتك علشان هتأخد أحلى صور هناك وتعيش أحلى الذكريات لما ترجع. والأهم من ده كله، يكون في إبتسامة كبيرة على وشك علشان هتعيش أحلى وأجدد مغامرة في السخنة!
اليخت
تعتبر رحلات اليخت من أكتر الحاجات اللي الناس بتحب تعملها في العين السخنة مع العيلة لأنهم هيأكلوا أحلى سمك ويغيروا جو وهيرجعوا في نفس اليوم كمان. بعيداً عن منظر الطبيعة التحفة اللي هتفضل شايفه طول الوقت، أنت هتقدر تعمل كل اللي نفسك فيه وأنت على اليخت...يعني هتصطاد وتسمع أغاني وتنزل البحر وتغطس، ده غير إنك ممكن تستجم و تأخد حمام شمس لو مش حابب تنزل البحر.
اليوجا
السخنة من الوجهات المفضلة لكل الناس اللي نفسها تستجم وتبعد عن زحمة ودوشة المدن، فلو بتحب اليوجا، يبقى أنت إختارت المكان الصح . مفيش أحلى من أنك تلعب يوجا و قدامك البحر و وراك الجبل..المنظر لوحده هينسيك كل الهموم اللي عندك، وهيحسسك إنك في عالم تاني.
ركوب الامواج
العين السخنة بتتميز بخلجانها الهادئة على طول ساحل المدينة، و ده اللي بيشجع ناس كتير أنها تجرب ركوب الأمواج والمعروف كمان ب .
التلفريك
يمكنك بداية التجول أنت وعائلتك في البورتو الذي يعتبر من أجمل وأهم ما تحمله العين السخنة من مواقع تستحق الزيارة.
ثم يمكنكم الصعود إلى أعلى قمة جبل السخنة في تلفريك العين السخنة الذي سيمنحك فرصة التقاط صورًا بانورامية غاية في الروعة.
ويمكنكم الاستمتاع في جولة على قمة الجبل، والتقاط صورًا عديدة لمنطقة عين السخنة والتلفريك والبورتو الذي يطل على البحر الأحمر.
الغطس
ليه تقطع مسافة طويلة لدهب علشان الغوص وأنت قدامك العين السخنة ؟ شواطئ العين السخنة ساحرة، رمالها دهبية وناعمة، وموجها هادي وجميل، فتعرف تنزل البحر وتستمتع بالغوص في أي وقت. أول ما تبدأ تعمل دايفينج مش هتحس أنك عايز تطلع من جمال المياة، ده غير إنك هتلاقي كمان أحلى مواقع للشعب المرجانية وأحلى الألوان. ولو مش بتعرف تعمل دايفينج، ممكن تلبس بدلة الغطس وتعمل سنوركلينج، و برضو هتشوف المنظر الجميل للشعب المرجانية والأسماك بمختلف الأحجام، و الأنواع، و الألوان.
الصيد
ناس كتير بتحب تروح السخنة يوم واحد بس علشان يصطادوا ويرجعوا لأن العين السخنة فيها أحلى سمك ممكن تأكله في حياتك.
و تعتبر منطقة ملفات السخنة من أحلى الأماكن اللي ممكن تصطاد فيها لأنك هتلاقي البحر قدامك و جبل عتاقة في ضهرك... يعني مفيش أحلى من كده !
وأخيراً ، الأنشطة والفسح في العين مبتنتهيش، وكل يوم هتكتشف مكان جديد ومغامرة جديدة، فلو عايز تعرف أكتر عن الأنشطة اللي مينفعش تفوتها في السخنة، أدخل على www.futuregroupservices.com وهتلاقي كل أماكن الفسح والخروج اللي بتدور عليها وأجمل الفنادق والكمبوندات بخدماتها وأسعارها كمان!
أهم النشاطات الي ممكن تعملها في العين السخنة
4/
5
Oleh
futuregroupservices
التعليقات